Erretiroa

1. Erretiro partzial aurreratua (errelebo-kontratua)

EZAUGARRIAK

Errelebo kontratuaren bidez partzialki erretiratzen den langileak, %50 eta %75 bitartean murriztu ahalko du bere jarduna. Bere ordez kontratatzen den errelebistari, kontratua dagokion portzentaian egingo zaio. Erretiro partziala %75ean egiten denean izan ezik, kasu horretan errelebistari lanaldi osoko kontratu mugagabea egin beharko zaio.

Lanaldi osoko langileak erretiro partziala hartu ahal izango du honako baldintzak betez gero:

• Langileak lanaldi osoan kontratatua egon behar du.
• Aldi berean errelebo kontratu bat egitea.
• Gutxieneko kotizazioa: 33 urte kotizatuak izatea
• Antzinatasuna: gutxienez 6 urteko antzinitasuna izatea, era jarraituan, eta antzinatasun horren barruan, erretiro-eskaria egin aurreko 6 urteetan ikastolan jardun izana.
• Gutxieneko adina edukitzea.

ZENBATEKOA

• Pentsioaren zenbatekoa zehazteko, erretiro orokorrari dagokion kantitatea hartuko da kontuan.

2. Erretiro aurreratua

EZAUGARRIAK

Erretiroa aurreratua hartzeko, legezko erretiro adina baino 2 urte lehenago hartu daiteke. Langileak kalte-ordaina jasoko du, eskala honen arabera:

Adina Hilabete kopurua

Erretiro adina baino 2 urte 4 hilabete

Erretiro adina baino 1 urte 2 hilabete

Adierazitako kalte-ordaina erretiro partzial aurreratuarekin bateraezina izango da.

Honako baldintzak bete beharko dira aukera hau eskuratzeko.

• Gizarte segurantzaren edozein erregimenean egotea.
• Altan edo altaren pareko egoeran egotea.
• Gutxieneko kotizazio aldia: 35 urte.
• Kotizatutako 2 urte, eskubidea sortzen den unetik aurreko 15 urteen barruan egon behar dira.

ZENBATEKOA

Pentsioaren zenbatekoa zehazteko, erretiro orokorrari dagokion kantitateari murrizketa bat aplikatzen zaio.

Honako taularen arabera