Azaroaren 25ean indarkeria matxista gabeko ikasguneak aldarrikatuko ditugu emakume* eta neska* guztiontzat

Azaroaren 25ean indarkeria matxistaren aurkako nazioarteko eguna dela-eta, lantokiak eta ikasgune guztietan (izan haurreskolak, eskolak, ikastolak, ikastetxeak edo unibertsitateak) indarkeria matxista gabeko guneak izan daitezen aldarrikatuko dugu. Ekimen propioak egiteaz gain, Euskal Herriko Mugimendu Feministak “Indarkeria matxistarik gabeko bizitzak orain”. Autodefentsa feminista antolatu dezagun” lemapean azaroaren 25ean antolatutako mobilizazioekin bat egiten du LABek. Era berean, indarkeria matxistari aurre egiteko materialak ikasgeletan lantzeko aukera aprobetxatzeko gonbitea egiten dugu. Hori dela eta, material batzuk jasotzen dituen taula bat prestatu dugu.