Hezkuntza Batzordearen premiazko bilera eskatu diogu Nafarroako Parlamentuari

158

Irailaren 15eko Hezkuntzako Mahai Sektorialaren ondoren, bertan ordezkatuta gauden LAB, Steilas eta ELA sindikatuok Hezkuntza Batzordearen premiazko bilera bat eskatu diogu Nafarroako Parlamentuari, egoeraren larritasunaren berri emateko. Aipatutako bileran, Departamentuak uko egin zion ikastetxeetan egitera derrigortu dituen eskolaz kanpoko jarduerak behar bezala ezartzeko baliabide gehiago emateari.

Carlos Gimeno kontseilariak arratsaldeetako eskolaz kanpoko jarduerak ezarri nahi ditu orain ekainean aurreikusitako irakasle-hornidura berarekin -eskolaz kanpokoak aurreikusita ez zeudenean-, horretarako lanordu horiek zuzeneko saiotzat hartu ordez -benetan dagokiona- irakastordu gisa hartuz. Neurri horren ondorio zuzenak larriak dira eta hezkuntza-komunitate osoari kalte handia eragingo diote: lehenik eta behin, zuzendaritza-taldeei, 3 astetan soilik berregin behar izan baitute –eskolaz kanpokoek urriaren 4an hasi behar dute– joan den ikasturtearen amaieratik eta uda osoan egin duten lana; jakina, irakasleen lan-orduak Hezkuntza Itunean, ahalegin handi baten ondoren, adostutakoak baino gehiago izango dira; haien lan-baldintzak kaltetuko dira, zuzeneko irakaskuntza-saioak ugaritu egingo baitira eta alderdi garrantzitsuak kontuan hartu gabe geratuko baitira, hala nola koordinazioak, saioen prestaketa, zaintzak, etab.; garraiatutako ikasleak, eskolaz kanpoko ikasketak amaitu arte itxaron behar izan dezaketenak etxera itzuli ahal izateko; jarduerak egin nahi dituzten ikasleak, baina, eskariak ikastetxearen eskaintza gainditzen badu, eta Hezkuntza Departamentuak ezarritako lehentasun-ordenaren arabera, horietatik kanpo gera daitezkeenak…

Horregatik guztiagatik, LABen ekimenez, Hezkuntza Batzordearen premiazko bilera eskatu zaio Nafarroako Parlamentuari, hau behar bezala informatzeko eta irakaskuntzaren kalitatea are gehiago kaltetuko duen egoera ekiditen saiatzeko.

Jatorrizko informazioa HEMEN.

Iturria: https://commons.wikimedia.org