Erretiroari buruzko informazioa

Bi langile motarekin aurkitzen gara Hezkuntzan: laboralak eta funtzionarioak.

Laboralak: Ikastola eta kristau eskoletan gehienbat. Administraziopekoan gero eta gutxiago daude eta urte gutxian desagertuko dira (MUFACE "Mutualidad General de Funcionarios Civiles del Estado"). Aurrejubilatzeko aukera errelebo kontratuaren bidez.

Funtzionarioak: Aurrejubilaziorako aukera karrerako funtzionarioek eta bitarteko funtzionarioek dute, horretarako eskatzen diren baldintzak betez gero.

- Aurre-erretirorako aukera errelebo kontratu bidez egiten da.

- Urte bakoitzean gutxieneko adina igoaz doa.

- Kontratu berezi bat da eskatzailea eta errelebistaren artean: Oinarrian sisteman langile berriak sartzea da, langabezian daudenak.

- Errelebista izango dena langabezian egon behar da. Hori dela eta barne konponketak egiten dira sarritan, ezaguna den pertsona edo jadanik lanean dagoenari tarte bat langabezian egotea eskaintzen zaio eta horren ordainetan errelebo kontratua eskatu duena jubilatu arte lanean egongo da. Egoera honek ez ditu sareak bereizten, gauza bera da ikastoletan, KE, administrazioan...

Funtzionarioek erregimen orokorreko baldintzetan erretiroa hartzeko eskubidea dute, eta noski aurre-jubilaziorako.

Gaur egun 35 urte kotizaturik eta edinez gutxienez 63 urteak betea izatea da baldintza.

Eskaera gizarte segurantzan egin behar da, eta kudeaketa guztia bertan egin beharra dago.

Laboralak: ikastoletako eta KEtako langileak enpresa eta bere ikastetxeko langileen ordezkariekin harremanetan jarri behar dira errelebo kontratuaren tramitazioa egin ahal izateko. Funtzionarioen kasuan MUFACEko ordezkariarekin jarri behar dira harremanetan (edo gizarte segurantzara zuzenean jo).

Funtzionarioak:

Kontuan izan beharrekoak:

  • Karrerako funtzionarioa den ala ez.
  • Haurrak zaintzeagatiko eszedentzia kotizatutako lez hartzen da.
  • Soldaduska edo lan soziala egina bada ere kotizaziorako eragina du. (Hilabete batetik 3ra).
  • Bi hilabete lehenago egin behar da eskaera.
  • Lehenago erretirorako simulazioak egin daitezke. Honek erabakia erraztuko du.
  • Gizarte segurantzan txanda eskatu daiteke simulaziorako edo on-line bidez erabiltzaile eta gakoak izanda.

Behin erabakia hartuta, erretirorako eskaera onartu beharra dago eta tramitatzen hasi, Horretarako egokiena jaiotako lurraldeko edozein gizarte segurantzako bulegoetan txanda eskatzea da.

Tramite hau burutzean eskolan eta delegaritzan jakinaraztea komeni da ordezkoak garaiz iritsi eta kudeaketa egoki burutu ahal izateko.

Informazio gehiago hemen

Sakatu hemen

No Content

No Content